Мен Жангабылов Алишер Асқарұлы 03 наурыз 1994 жылы дүниеге келдім. Туған жерім Жетісу облысы, Көксу ауданы, Еңбекшіқазақ ауылы. Әкем Абдикаримов Асқар Жаңғабылұлы — зейнеткер. Анам Абдикаримова Рая Нұрышқызы Еңбекшіқазақ ауылдық дәргерлік амбулаториясында фельдшер. 2001 жылы Еңбекшіқазақ орта мектебіне аяқ басып, 2012 жылы жас түлек атандым. 2012 жылы І. Жансүгіров атындағы университетінің «педагогика- психология» факультетінің «Музыкалық білім» мамандығы бойынша грант иегері атанып, 2016 жылы оқу орнын аяқтадым. 2015 жылы Еңбекшіқазақ орта мектебінің ән-күй пәнінің мұғалімі, 2017 жылы Мұқыры ауылдық мәдениет үйінің музыкалық жетекшісі, 2017 жылы Мәмбет ауылдық мәдениет үйінің музыкалық жетекшісі, 2019 жылы Мәмбет ауылдық мәдениет үйінің музыкалық жетекшісінен Мәмбет ауылдық мәдениет үйінің директоры қызметіне ауыстырылып, 2020 жылы Мұқыры халық театрының концертмейстрі, 2023 жылы Өтенай ауылдық мәдениет үйінің әртіс — жүргізушісі, 2023 жылы Бесқайнар ауылдық клубының директоры, 2024 жылы Көксу аудандық мәдениет үйінің директоры болып қызмет атқарудамын.
Мені округ депутаты етіп сайласаңыздар, алдағы 4 жылда:
- Ауданымыздың экономикалық дамуына жұмыс жасауға;
- Мемлекеттік бағдарламаларды жастарға насихаттауға;
- Көпбалалы аналар мен жағдайы төмен отбасылардың әлеуметтік жағынан қорғалуына;
- Талантты, дарынды жастардың идеясын жүзеге асыруға және қолдау көрсетуге;
- Медицина ұйымдарының салынуына;
- Дәрігерлер мен жас мамандарға тұрғын үй мәселесін шешуге;
- Аудан орталығына қолайлы мектеп, балабақша, оқушылар үйін,өнер мектебін салуға;
- Ауыл көшелеріне күрделі жөндеу және жарық шамдарын жүргізуге ықпал етуге; Ауыл жастарының шығармашылық қабілеттерін дамытуда мәдени іс-шараларды ұйымдастыруға күшімді саламын