«Жұмысшы мамандықтар жылы» аясында Астана қаласы әкімдігінің Сервис және туризм колледжінің 700 студенттерден құрылған хор және Қазақстанның еңбек сіңірген қайраткері, «Мәдениет саласының үздігі», Астана қаласының Е. Рахмадиев атындағы Мемлекеттік академиялық филармонияның әншісі
Арайлым Рахым ерекше әлеуметтік жобаны жүзеге асырып, колледждің гимніне айналған «Еңбек адамы» әніне бейнебаян түсірілді. Әннің сөзін Қуат Ежембек, ал музыкасын Арман Қуандық жазған.
Жобаның мақсаты – жастар арасында еңбек адамының идеологиясын ұлықтау, еңбекқорлық пен кәсіптік құндылықтарды дәріптеу, сондай-ақ жұмысшы мамандықтардың қоғамдағы маңызын насихаттау.