
Құрметті Текелі қаласының тұрғындары, ардақты жерлестер!
Текелі қаласының кәсіпкерлік әлеуетін арттыруға, шағын және орта бизнеске қолайлы жағдай жасауға және экономикалық белсенділікті күшейтуге бар күш-жігерімді саламын.
Бүгінгі таңда қалада шағын және орта бизнес субъектілері тұрақты түрде дамып, жаңа жұмыс орындарын ашуға өз үлесін қосуда. Осы бағытты одан әрі дамытып, алдымызда тұрған мынадай нақты міндеттерді жүзеге асырамыз:
Мемлекеттік қолдау мен ашықтық: Кәсіпкерлерге берілетін мемлекеттік гранттар, жеңілдетілген несиелер мен субсидиялардың бөліну барысында ашықтықты қамтамасыз етуге және олардың тиімділігін арттыруға белсене ықпал ету.
Бөлшек тауар айналымын өсіру: Қаладағы сауда және қызмет көрсету саласын дамыту, бөлшек тауар айналымының артуына жағдай жасау арқылы жергілікті экономиканы нығайту.
Инфрақұрылым және абаттандыру: Бизнес нысандары мен сауда орындары орналасқан аумақтарды абаттандыру, оларға барар жолдарды жөндеу және кәсіпкерлер үшін қолайлы орта қалыптастыру жұмыстарын қолдау.
Жаңа жұмыс орындары: Шағын бизнес субъектілерінің қатарын көбейту арқылы қала тұрғындарын, әсіресе жастарды тұрақты жұмыспен қамтуға жан-жақты қолдау көрсету.
Ашық есептілік және халықпен кері байланыс: Кәсіпкерлердің ұсыныс-пікірлерін тыңдап, олардың өзекті мәселелерін шешу жолында билік пен бизнес арасында тиімді көпір болу.
Қуатты Текелі – кәсіпкерлігі қарыштап дамыған, экономикасы мықты әрі жайлы қала! Бірлесе еңбек етейік!
Сайлауға келіңіздер, бизнестің дамуы мен жаңа мүмкіндіктер үшін өз таңдауларыңызды жасаңыздар!