Құрметті Текелі қаласының тұрғындары, ардақты жерлестер!

Жастар саясатын жаңа деңгейге көтеруге және әлеуметтік теңдікті қамтамасыз етуге бар күш-жігерімді саламын. Құрғақ уәде емес, жастардың жігері мен нақты істерге негізделген нәтиже – менің басты ұстанымым.

Қаламыздың тұрақты дамуы мен жастардың әлеуетін арттыру жолында алдымызда мынадай нақты міндеттер тұр:

Экологиялық тазалық пен жасыл жобалар: Қаладағы экологиялық ахуалды жақсарту, таза өндіріс жобаларын қолдау және қоршаған ортаны қорғау шараларының тиімділігін арттыруға атсалысу.

Жастар бастамалары мен гранттар: Жас кәсіпкерлер мен белсенді азаматтарға мемлекеттік жеңілдіктер мен қолдаулардың ашық берілуін қадағалау (былтырғы жылы жастарға 14 грант берілсе, бұл көрсеткішті одан әрі ұлғайтуға ықпал ету).

Қала тазалығы мен абаттандыру: «Таза Қазақстан» республикалық бағдарламасы аясында қаланың орталық алаңын, арбат пен саябақтарды әрдайым таза ұстау, абаттандыру және жасыл аймақтарды көбейту жұмыстарына белсене қатысу.

Әлеуметтік теңдік және жас отбасылар: Әрбір жас маман мен отбасының әлеуметтік құқықтарын қорғау, баспана алу мен жұмысқа орналасу мәселелерінде қолдау көрсету.

Ашық есептілік және халықпен кері байланыс: Жастар саясаты мен экологиялық жобаларға бөлінген бюджет қаражатының тиімді игерілуі жөнінде тұрғындар алдында тұрақты түрде ашық есеп беріп отыру.

Текелі – экологиясы таза, жастары жігерлі әрі мүмкіндіктері мол заманауи қала!

Қадірменді жерлестер!

Әрбір тұрғынның жайлы өмір сүруі – біздің ортақ мақсатымыз. Сіздердің білдірген сенімдеріңізді ақтап, қаламыздың өркендеуі үшін аянбай еңбек етемін!

Сайлауға келіп, жастардың бастамасы мен жарқын болашақ үшін өз таңдауларыңызды жасаңыздар!

От admin

Добавить комментарий

Ваш адрес email не будет опубликован. Обязательные поля помечены *