Әнмен дауыс беру: Ескелді ауданындағы учаскелерде «Әжелер» ансамблі мерекелік көңіл күй сыйлады

Ескелді ауданында Қазақстан Республикасының Конституциясына өзгерістер енгізу жөніндегі референдумға тұрғындар белсенді қатысуда. Бұл маңызды оқиғаға «Әжелер» ансамблінің мүшелері де өз үлестерін қосты.
Ақыш Сара, Қоңыр, Жалғызағаш және Сырымбет ауылдарынан шамамен 80-ге жуық әйел өз учаскелеріне келіп, дауыс беру құқығын жүзеге асырды. Қазақтың ұлттық киімдерін киген олар халықтың салт-дәстүрі мен мәдени мұрасына деген құрметін көрсетті.
Дауыс беру жылы әрі мерекелік атмосферада өтті: халық әндері шырқалып, референдумға қатысу ерекше әсерлі өтті.
Әйелдер үшін болашақ ұрпаққа ұлттық дәстүрлерді сақтап жеткізу ғана емес, сонымен қатар ел өміріне белсенді қатысу да маңызды. Олардың пікірінше, бұл азаматтық жауапкершілік пен Қазақстанның болашағына деген жанашырлықтың көрінісі.
«Әжелер» ансамблі ауданға өзінің белсенді шығармашылық және қоғамдық қызметімен танымал. Ұжым мәдени іс-шараларға, мерекелерге және қоғамдық акцияларға тұрақты түрде қатысып, халық өнерін, әндерін және ұлттық дәстүрлерді насихаттап келеді.
Ескелді ауданындағы сайлау учаскелерінде дауыс беру заңнамада белгіленген тәртіпке сәйкес өтуде.