Полиция ротасының инспекторы Санат Серікқалиұлы ҚР Президентінің жарлығымен «Ерлігі үшін» медалімен марапатталды.
Ол ерлік көрсетіп, Қаратал өзеніне батып бара жатқан баланы аман-есен құтқарып алған еді. Баланы судан алып шығып, алғашқы медициналық көмек көрсету арқылы дем алысын қалпына келтірген. Тікелей жүрек массажын жасап, жасанды тыныс берген. Содан кейін жедел жәрдем шақырған.
Санат Серікқалиұлы: «Мен өз міндетімді ғана атқардым. Адамдарды қорғау, көмек сұраған жандарға қол созу менің басты міндетім», — деп бұл әрекетін батырлық емес, кез келген адамның жасайтын азаматтық борышы екенін айтады.