Құрылтай сайлауы қарсаңында ел бірлігін нығайту, азаматтардың патриоттық рухын көтеру және қоғамдық белсенділікті арттыру мақсатында №347 сайлау учаскесінде «Бірге – болашаққа» атты патриоттық флешмоб ұйымдастырылды.
Шараға белсенді жастар, тұрғындар мен шығармашылық топтардың өкілдері қатысып, елге деген сүйіспеншіліктерін ортақ бастама арқылы көрсетті.
Флешмобтың негізгі идеясы — елдің жарқын болашағы әр азаматтың бірлігі мен белсенділігіне байланысты екенін көрсету. Қатысушылардың бір сапқа тұрып, ортақ қимылмен өнер көрсетуі татулық пен ауызбіршіліктің символына айналды.
Шара барысында Отанға деген сүйіспеншілік, туған жерге құрмет, ел болашағына деген сенім секілді құндылықтар кеңінен насихатталды. Жастардың белсенділігі ерекше байқалып, олар елжандылықтың жарқын үлгісін көрсетті.
«Бірге – болашаққа» флешмобы тұрғындарға көтеріңкі көңіл-күй сыйлап қана қоймай, қоғамдағы бірлік пен өзара қолдаудың маңызын тағы бір мәрте көрсетті. Бір мақсатқа жұмылған халықтың кез келген маңызды істі бірге атқара алатынын көрсеткен шара қатысушылар үшін ерекше әсерлі болды