Талдықорғанда «MISS TALDYQORGAN – 2026» байқауының қатысушылары Құрылтай депутаттарының сайлауына қатысты.
Байқау жеңімпазы Малика Оқапова, ІІ Вице-мисс Аяулым Сабаз және ІІІ Вице-мисс Нұрай Сәрсенбай №389 сайлау учаскесіне келіп, өз таңдауларын жасады.
Бойжеткендер үшін дауыс беруге қатысу — азаматтық ұстанымдарын білдіруге және елдің қоғамдық өміріне өз үлестерін қосуға мүмкіндік болды. Байқаудың бас титулын жеңіп алған Малика Оқапова жастар үшін маңызды қоғамдық-саяси оқиғалардан тыс қалмаудың маңызды екенін атап өтті.
«Бүгін біз өз таңдауымызды жасап, азаматтық ұстанымымызды білдірдік. Жастар үшін елімізде болып жатқан үдерістерге қызығушылық танытып, белсенділік көрсету маңызды деп есептеймін. Алда мені «MISS KAZAKHSTAN» байқауы күтіп тұр, онда Талдықорғанның намысын абыроймен қорғауға тырысамын», — деді Малика Оқапова.
Байқау өкілдерінің дауыс беруге қатысуы жастардың азаматтық белсенділігінің үлгісі болып, қоғамдық өмірдің әркім өз ұстанымын іс жүзінде көрсетуі тиіс орта екенін айшықтады.